გელა გნოლიძის ბენდის წევრი, თათა გიორგობიანი ძალიან პოპულარული გოგონაა. მას ინტერვიუ ჟურნალმა „გზამ“ ჩამოართვა და სხვადასხვა ცნობილი ადამიანის გამონათქვამის შეფასება სთხოვა.
„არც ერთი ადამიანი არ იმსახურებს ცრემლებს, ხოლო ვინც იმსახურებს, არასდროს აგატირებს შენ“ (გაბრიელ გარსია მარკესი).
თათა გიორგობიანი:
„ზოგჯერ მაინც ვატირებთ ხოლმე ერთმანეთს. რას ვიზამთ, ცხოვრებაში ბევრი ცუდი რამ ხდება. შეცდომებზე უნდა ვისწავლოთ და მერე ნაკლებად გვექნება მიზეზი, ვიტიროთ. საერთოდ, ზედმეტად გულჩვილი ვარ, ისეთ რამეებზე შეიძლება ამეტიროს, ვერც წარმოიდგენთ, მულტფილმზეც კი, მაგრამ არავის ვანახვებ ამას. ემოციების მართვა ჩემი ძლიერი მხარეა. ბევრი უტაქტო შენიშვნა მომითმენია და გამიტარებია…“