მომღერალმა სოფო ნიჟარაძემ „ურსასთან“ ერთად სვანური სიმღერა ჩაწერა. სიმღერას „შინა ვორგილი“ სოციალურ ქსელში დიდი გამოხმაურება მოჰყვა. პროექტის იდეის ავტორი „რუსთავი 2“-ის გენერალური დირექტორი, ნიკა გვარამია არის. სოფომ და „ურსამ“ ტრადიციული სვანური სიმღერა, ახლებური ინტერპრეტაციით ჩაწერეს, თუმცა სიმღერას ხასიათი არ დაუკარგეს და ძველი ელემენტებიც შეინარჩუნეს. კომპოზიცია „ბრავო რეკორდში“ ჩაიწერა.
შეგახსენებთ, რომ სოფო ნიჟარაძეს სვანეთი განსაკუთრებულად უყვარს, მას სვანური ფესვები აქვს, რომლითაც ამაყობს.