სოფო ბათილაშვილმა წინა ორშაბათს ნამდვილი ფურორი მოახდინა და კიდევ ერთხელ დაამტკიცა, რომ „მხოლოდ ქართულის“ დღევანდელ ფინალზე გამარჯვების ერთ-ერთი ღირსეული კანდიდატია. მისი შესრულებული „ძეგლად გადმომეფარე“ (კომპოზიტორი: ეთერ ჭელიძე) ქართული „ფეისბუქ“-სივრცის ნამდვილი რეკორდსმენი გახდა. მხოლოდ ხუთ დღეში ამ ვიდეომ „მხოლოდ ქართულის“ სოციალური ქსელიდან არნახული რეკორდი დაამყარა ქართული მეგაშოუების ისტორიაში, დააგროვა მილიონზე მეტი ნახვა და 25 000-ზე მეტი გაზიარება.
სოფო „მხოლოდ ქართულის“ ფინალური ეტაპის ერთადერთი კონკურსანტი გოგონაა. შეგახსენებთ, რომ პროექტის ფინალური შოუ გაიმართება დღეს, 22:00 საათზე და მისთვის თვალის მიდევნება და რაც მთავარია, ფავორიტებისთვის დამესიჯება შეგეძლებათ „რუსთავი 2“-ის ეთერის საშუალებით.