ზაფხული დადგა და ცხელი მოვლენების პერიოდიც მოვიდა. უფრო კონკრეტულად რომ ვთქვათ, ქართველ მელომანებს ივლისის თვის ბოლოს ყველაზე ცხელი მუსიკალური საღამოები ელოდებათ. 27-დან 30 ივლისის ჩათვლით ბათუმში, შავი ზღვის სანაპიროზე ყველაზე მასშტაბური, შავი ზღვის რიგით XI-ე ჯაზ-ფესტივალი გაიმართება. კონცერტები 4 დღის განმავლობაში, ყოველ საღამოს, ბათუმის ჩოგბურთის კლუბში ჩატარდება. მანამადე კი ფესტივალის მონაწილე მუსიკოსებმა ჩამოსვლამდე, ქართველი მსმენელისთვის, ვიდეო მიმართვები გამოაგზავნეს.