ნანუკა ჟორჟოლიანი აქვეყნებს ინტერვიუს ნაწყვეტს აკაკი ბაბუნაშვილთან. როგორც აღმოჩნდა, ამ ინტერვიუს ხილვის შესაძლებლობა ოთხშაბათს გვექნება, „ნანუკას შოუში“. როგორც ტელეწამყვანი წერს, წარმოუდგენელი სინანული დაეუფლებოდა, ამ გადაცემის ჩაწერა რომ გადაედო. ეს რეპერ შავი პრინცის ბოლო სატელევიზიო ინტერვიუა. რეპერი და ქართული ჰიპ-ჰოპის პიონერი გუშინ, 4 თებერვალს, ქუთაისის ერთ-ერთ კლინიკაში თირკმელებთან დაკავშირებული პრობლემით გარდაიცვალა.
„წარმოუდგენელი სინანული მექნებოდა, ამ გადაცემის ჩაწერა რომ გადამედო. დაგვირეკა და გვითხრა, რომ ახალი კლიპის პრემიერისთვის ნანუკას შოუს ეთერი უნდოდა. არც ერთი წუთი არ მიფიქრია, დავთანხმებოდი ადამიანს, რომელმაც ბნელ 90-იანებში ნათელი სხივები შეიტანა. პრინცთან ბოლო შეხვედრა იქნება ხვალ, ნანუკას შოუში.
R.I.P.“