24.8 C
Tbilisi
Tuesday, August 2, 2022

სალომე ბაკურაძისა და ლაშა ბასლანძის ოჯახს ახალი წევრი შეემატა

ლაშა ბასლანძისა და სალომე ბაკურაძის ოჯახში ახალი წევრია, დიბი ბასლანძე, ლეკვი, რომელიც წყვილის ვაჟს, სანტის ლაშას მეგობრებმა აჩუქეს. როგორც სალომე ამბობს, მისთვის ეს ამბავი სიურპრიზი იყო, ახლა კი მთელი ოჯახი ეჩვევა ახალ წევრს, განსაკუთრებულად მას ლაშა უვლის. ძაღლით ასევე აღფრთოვანებულია მისი უფროსი შვილი, ელენეც, რომელიც დიბისთან სათამაშოდ ხშირად მოდის. ლაშა და სალომე მიიჩნევენ, რომ ბავშვებისთვის ძაღლთან ურთიერთობა ძალიან კარგია.

ლაშა:

„იუვენტუსის“ თავდამსხმელის, დიბალას პატივსაცემად დიბი დავარქვი. ჯეკ რასელ ტერიერია. ფილმში „ნიღაბი“ რომ მაილოა, ეგ ძაღლია და სულ გვინდოდა, გვყოლოდა.

სალომე:

გვინდოდა რა, ლაშას უნდოდა (იცინის). ჩემთვის სიურპრიზი იყო. ვფიქრობდი, ამ პატარა სახლში ძაღლის მოყვანა ადრე ხომ არ არის–მეთქი. თან, ჩემთვის მართლა დიდი პასუხისმგებლობაა ძაღლის ყოლა. ამ თემაზე საუბრობდა და ეტყობა, ნიადაგს ამზადებდა.

ლაშა:

ეს ლეკვი სანტის აჩუქეს ჩვენმა მეგობრებმა, ოთო აბესაძემ და მისმა მეუღლემ, დეამ. რა თქმა უნდა, უარი არ ვთქვით. პირიქით, ძალიან გაგვიხარდა.

(ვრცლად/ფოტოები)

Latest Posts

ბოლო სიახლეები