13 მაისს რადიო ,,ფორტუნას” და თათა სადრაძის გადაცემას ,,არტ-FM”-ს მსახიობი ეკა ჩხეიძე სტუმრობდა, რომელმაც დღეს ყველაზე აქტუალურ კორონავირუსაა და თვითიზოლაციაზე ისაუბრა.
– ეკა, როგორ შეეგუეთ თვითიზოლაციას?
– ჩემთვის სახლში ყოფნა ნაკლებად დამთრგუნველია, რადგან ძალიან მიყვარს ჩემი სახლი, თუმცა ძალიან მაღიზიანებს დროის ფუჭად ხარჯვა. ახლა ტელევიზიაში ვმუშაობ გახმოვანებაზე, თეატრი კი, სავარაუდოდ მხოლოდ სექტემბერში აღადგენს ფუნქციონირებას. პანდემიამდე ახალ სპექტაკლზე ვმუშაობდით, ახლა კი, წარმოდგენა არ მაქვს, როდის შევძლებთ მის დადგმას.