დათუნა სირბილაძეს მსმენელი უკვე დიდიხანია იცნობს. მისი სიმღერები ქართულ ტელე-რადიო და ინტერნეტ სივრცეში დიდი პოპულარობით სარგებლობს. ამ ეტაპზე მომღერალი შემოქმედებით პროეცესშია ჩართული. საქმე იმაშია, რომ თბილისსა და ბათუმში მისი სოლო კონცერტები იგეგმება. მომღერალს სურს, რომ მუსიკალური საღამოები საკუთარ დაბადების დღეს, 2 აგვისტოს დაამთხვიოს და ღია ცის ქვეშ, ფართო მასშტაბის კონცერტი გამართოს, სადაც ნაცნობ თუ უცნობ რეპერტუართან ერთად, მისი დუეტი შვიდკაცასათან – “მამის იავნანა“ გაჟღერდება, რომლის ტელე პრემიერაც მაყურებელმა უკვე იხილა.