31 დეკემბრის ღამე ქართველი მომღერლებისთვის განსაკუთრებულად გადატვირთული იყო. რადიოჰოლდინგ ფორტუნას იუბილეზე მოსულ ვარსკვლავებს კონცერტებზე მიეჩქარებოდათ. ზოგი თავისუფლების მოედანზე დაგეგმილ კონცერტში იღებდა მონაწილეობას, ზოგსაც რეგიონებისკენ ჰქონდა აღებული გეზი, დანარჩენები რესტორნებისა და კლუბების პროგრამებში მონაწილეობისთვის ემზადებოდნენ. ბედობას კი ყველა ცდილობს ოჯახისა და მეგობრების გარემოცვაში შეხვდეს, რომ საყვარელ ადამიანებთან ყოფნა დაებედოს. როგორ შეხვდნენ ქართველი ვარსკვლავები ახალ წელს და ვისთან ერთად ყოფნა დაიბედეს, გთავაზობთ ფოტოებს საახალწლო ფოტოსესიიდან.
