19 ნოემბერს, კლუბში „10/11“ პოპულარული ჯგუფი „რეზო და ბავშვები“ დაუკრავს. მისი წევრები საღამოსთვის აქტიურად ემზადებიან. ახლახან გამოაქვეყნეს ვიდეო, სადაც „ფეისბუქ“-მომხმარებლებს ახალი სიმღერის ერთგვარი მონახაზი წარუდგინეს. სიმღერის სახელწოდებაა „ბავშვური თამაშები“ და მისი პრემიერა სწორედ 19 ნოემბრის კონცერტზე შედგება.
კომენტარებში, რომელიც ჯუგუფის ლაივ-ვიდეოს მოჰყვა მათი თაყვანისმცემლებისგან, წერენ, რომ მალე, სავარაუდოდ, ახალი ჰიტი გამოცხვება. „რეზო და ბავშვები“ სიმღერის ჩანაწერსაც მალე შემოგვთავაზებენ და იმედია, მათთვის დამახასიათებელ კრეატიულ ვიდეოსაც გადაიღებენ.