ჯგუფი „რეზო და ბავშვები“ დღეს, 3 ივლისს, რადიო „ფორტუნა პლუსს“ ესტუმრება. გადაცემა ეთერში შვიდი საათიდან დაიწყება. ჯგუფს ახალი ალბომი აქვს, რომლიდანაც ორ სიმღერაზე: „ყურსასმენები“ და ‘“სათვალე“ უკვე გადაიღეს ვიდეორგოლები.
„ფორტუნა პლუსის“ ეთერში ამჯერად რიგით მესამე კომპოზიციას წარუდგენენ მსმენელს. სიმღერის სახელწოდებაა „ხელები“, მისი ავტორი ჯგუფის სოლისტი, რეზო ბლიაძეა.