ომის მძიმე შედეგები და დევნილობაში ცხოვრება, ეს ის უმძიმესი თემებია, რომელიც ყველა დროსა და სივრცეში საზოგადოებაში ტრაგიკულ განწყობასა და ემოციას იწვევს. რეჟისორმა რუსუდან გლურჯიძემ სადებიუტო ფილმში სწორედ ამ პრობლემებს მოუყარა თავი და მაყურებელს დავით ჩუბინიშვილის სცენარის მიხედვით შექმნილი ნამუშევარი სახელწოდებით „სხვისი სახლი“ წარუდგინა. არაერთი ფესტივალისა და საერთაშორისო აღიარების შემდეგ, პრემიერა საქართველოში გაიმართა. ფილმში ამბავი 90-იან წლებში იწყება, სადაც მთავარი გმირები კონფლიქტის შედეგად, დაცარიელებულ სოფელში ჩადიან და ცხოვრებას სხვის სახლში იწყებენ.