დუეტი „ჯორჯია“ 10 მაისს ბათუმში, „კანუდოს ლაუნჯში“ ბენდ „ნონსტოპთან“ ერთად სოლოკონცერტს გამართავს. დუეტი არ აღდგა, უბრალოდ, მომღერლებმა გადაწყვიტეს, რომ ბათუმის კონცერტისთვის ძალები გაეერთიანებინათ.
„სხვა შუაღამის“ ეთერში მაკასა და რატის შესრულებით „იმღერე რამე“ და „იძინებს მზე„ მოვისმინეთ. მაყურებლის რეაქციიდან ჩანს, რომ ამ დუეტის მიერ შესრულებული კომპოზიციები ბევრს მოენატრა.
რატი დურგლიშვილი:
შიგადაშიგ ღია კონცერტებზე ვმღეროდით, როგორც დუეტი. ახალი არაფერი გაგვიკეთებია.
მაკა ზამბახიძე:
ახალ წელს ბევრგან მოგვიწია ერთად სიმღერა. ამას მოჰყვა თბილი კომენტარები. მაკა და რატი ერთად მაყურებელს ძალიან მოენატრა. ჩემმა პროდიუსერმა მამულიჩამ აგდაწყვიტა, რომ ნოსტალგიური კონცერტი გაგვეკეთებინა ბათუმში. გაკეთდა ჩვენი სიმღერები, ხუთწლიანი პაუზის შემდეგ, პირველად, ბენდთან ერთად. პირველ დღეს რაც ვიმღერეთ იურმალაში, ისიც კი გავაკეთეთ. ვიცი, რომ ბათუმელები გველიან და თბილისიდან ბევრი მოდის. ძალიან ვღელავთ, როგორ ჩაივლის საღამო. ვასრულებთ 20 სიმღერას.