რატი დურგლიშვილი სოციალურ ქსელში რამდენიმე წამიან ვიდეოს აქვეყნებს, სადაც მისი სიმღერა “ქაღალდის ნავი” ისმის. ვიდეო მილანშია გადაღებული, სადაც იგი ამჟამად იმყოფება. მომღერალი ვიდეოსთან დაკავშირებით კომენტარსაც აკეთებს.
“აი, ამას ნამდვილად არ მოველოდი. უდიდესი სავაჭრო ცენტრის ფონურ ნაკრებში ერთ – ერთ ჩემს სიმღერას მოვისმენდი, თანაც ქართულს, ძალიან გამიხარდა. არ შემეძლო, არ გამეზიარებინა მათთვის, ვისაც გაგიხარდათ.”
