2.8 C
Tbilisi
Saturday, December 10, 2022

რატი დურგლიშვილი დღეში 12 საათს მუშაობაში ატარებს – „დიეტასაც ვიცავ…“

მომღერალი რატი დურგლიშვილი, სხვების მსგავსად, უკვე თვენახევარზე მეტია, შინაა გამოკეტილი კორონავირუსის საფრთხის გამო. ეს პერიოდი ნაკლებად სტრესულ გარემოში და დაკავებულს რომ გაეტარებინა, თავის პროფესიას მიმართა და უამრავი ლამაზი ნამუშევარი გამოძერწა, ზოგიერთი მათგანი კი სანთლის კუბებისგან გამოთალა.

რატის კარანტინის დღეების შესახებ ვესაუბრეთ.

რატი, სანამ ინტერვიუს დავიწყებდით, მითხარი, რომ დღეში 12 საათი დაკავებული ხარ. რას აკეთებ?

ძირითადად, ვხატავ, ვძერწავ, მუსიკაზე ყველაზე ნაკლები დრო მაქვს, რადგან ხელით მუშაობას ძალიან დიდი დრო მიაქვს. ვისწავლე სახლის დალაგება, დასუფთავება, მოწმენდა, არაფერი არაა   მოდი, კარანტინში რა კარგი თვისებები ჩამომიყალიბდა, ამას მოგიყვები. გარდა იმისა, რომ ვისწავლე სახლის დალაგება, ასევე ეს მაწანწალა ადამიანი მიმაჩვია ოთხ კედელს შუა ყოფნას, ბოლოს კლუბებში სიარულით და სმა–ჭამით ისე ავიშვი, რომ 92 კილოგრამს ვიწონიდი. ახლა საათობრივ კვებაზე გადავედი. ძირითადად, შეფუთულ საკვებს ვყიდულობ, რადგან მერე ძალიან მეზარება რეცხვა. სალათის ფურცლები საერთოდ დავივიწყე, იმიტომ რომ მეშინია. კვება მაქსიმალურად შევამცირე. დიეტას კვირაში ერთ დღეს ვარღვევ, დანარჩენი დღეები დიეტაზე ვარ და ამ თვენახევარში ჩამოვედი, თითქმის ასი კილოდან ჩამოვედი 75 კილოზე. ხანდახან შრომაში ჭამამდე ისე გადის დრო, რომ ვერგ ვგრძნობ. დღესაც ვერ ვიგებ, როგორ გავიდა ეს დრო. კიდევ მინდა რაღაცების მოსწრება, მაგრამ ჩემს ნამუშევრებს საკმაოდ დიდი დრო მიაქვს.

რა ნამუშევრები გაქვს?

რატომღაც ახლა ამოჩემებული მაქვს კედლის დეკორის შექმნა, ვაკეთებ კედლის ორნამენტებს. ძალიან კარგად გადავერთე ამაზე. დიდი ოცნება მაქვს, რომ თავად ავიშენო ქალაქგარეთ სახლი და კედლები მოვრთო ჩემი ხელნაკეთი ნივთებით. ძალიან ბევრ რამეზე დამაფიქრა ამ დრომ. ადრე აგარაკი საერთოდ არ გამხსენებია, ახლა კი მომინდა, რომ ჩემი ხელით გაკეთებული დასასვენებელი ადგილი მქონდეს.

(ვრცლად/ფოტოები)

Latest Posts

ბოლო სიახლეები