რადიოჰოლდინგმა „ფორტუნამ“ Fortuna.ge წარადგინა

0
1343

13 ნოემბერს, „ლისი მერეს“ ულამაზეს გარემოში, ყვავილებით გაფორმებულ ეზოსა და შიდა სივრცეში, რადიოჰოლდინგმა „ფორტუნამ“ ახალი ნოვატორული ვებპლატფორმა წარმოადგინა. კიბეებზე დაგებული ლურჯი ხალიჩით საშემოდგომოდ მოწყობილ ეზოში მოვხვდით, სადაც გლინტვეინის დამათრობელი სურნელი იგრძნობოდა და ნოემბრის ცივი საღამოს თბილად გატარების შესაძლებლობას იძლეოდა.

ეზოში დიდი ასოებით დაწერილ fortuna.ge-ს ახალი სიცოცხლე სწორედ 13 ნოემბერს დაიწყო, როცა ის ფართო საზოგადოებას რადიოჰოლდინგ „ფორტუნას“ ხელმძღვანელმა თამარ ჩიგოგიძემ, ამავე ჰოლდინგის მარკეტინგის სამსახურის უფროსმა, მაია მაზანაშვილმა, ციფრულმა მარკეტერმა, გიორგი ცხვედიანმა და „ვებ ინტელიჯენსის“ დამფუძნებელმა, გეგა კუპრეიშვილმა წარუდგინეს.

„ფორტუნას“ ახალი საიტი fortuna.ge ერთი ქოლგის ქვეშ ოთხი რადიოსადგურის („ფორტუნა“, „ფორტუნა პლუსი“, „არ დაიდარდო“, „ავტორადიო“) საიტებს აერთიანებს. აქ თავმოყრილია ინფორმაცია, რომელიც მრავალფეროვან ახალ, შემეცნებით, მუსიკალურ თუ სხვა ამბებს მოიცავს. გარდა ამისა, ნოვატორული ვებპლატფორმა მომხმარებელს აძლევს საშუალებას, საიტიდან გაუსვლელად მოუსმინოს ზემოთ ჩამოთვლილი რადიოარხებს. ინტერნეტპლატფორმა ასევე აერთიანებს როგორც ქართველი, ასევე უცხოელი შემსრულებლების ავტობიოგრაფიებს, ინტერვიუებს, აუდიოჩანაწერებს, ვიდეო ლაივკონცერტებს, რომლებიც მუდმივად ახლდება.

ვებპლატფორმის საერთო კონცეფცია რადიოჰოლდინგ „ფორტუნას“ გუნდმა EBRD-ის კონსულტანტებთან ერთად, ამავე ორგანიზაციის ფინანსური დახმარებით შეიმუშავა. ტექნიკურად კი Web intelligence-სთან ითანამშრომლა. გათვალისწინებულია არაერთი უცხოური ცნობილი მედიასაშუალების, მათ შორის BBC-ს კონსულტანტების რეკომენდაციები.

პრეზენტაცის ფარგლებში, წარმოდგენილი იქნა რადიოჰოლდინგ „ფორტუნას“ განსაკუთრებული შეთავაზება – საქართველოში პირველად, კომპანიებისთვის ხელმისაწვდომი გახდა ერთდროულად თანამშრომლობა ქვეყნის 4 ყველაზე რეიტინგულ რადიოსთან და ვებპლატფორმასთან, რომელიც ყოველდღიურად იმყარებს პოზიციებს ქართულ ინტერნეტსივრცეში.

(ვრცლად/ფოტოები)

LEAVE A REPLY

Please enter your comment!
Please enter your name here