ტრადიციულად საზოგადოებასთან ურთიერთობის სააგენტო „პროფილმა“ წარმატებული კომპანიების დაჯილდოების გრანდიოზული ცერემონიალი გამართა. „ქართული ბრენდის დღე“ ერთ-ერთი ინოვაციური და აღიარებული პროექტია, სადაც ნომინირებული სხვადასხვა წარმატებული კომპანიები არიან ხოლმე და რა თქმა უნდა, მათ შორის რადიოჰოლდინგი „ფორტუნა“, რომელიც „წლის ლიდერ“ კომპანიად დასახელდა. ამ ტიტულის მიღებაში დიდი როლი ჰოლდინგის მიერ შექმნილმა მუსიკალურმა პროექტმა, „ოქროს ტალღამ“ ითამაშა, ამიტომაც ცერემონიალზე წლის სიმღერის გამარჯვებულებმა, ნოდიკო ტატიშვილმა და სალომე ბაკურაძემ სტუმრების განწყობაზე იზრუნეს.