ხშირად გაიგონებთ მოსაზრებას, რომ თანამედროვე ქართულმა თეატრმა მაყურებელი დაკარგა, რომ ქართული საზოგადოება თეატრის მიმართ პესიმისტურად განწყობილია და სპექტაკლებზე მაყურებელთა სიმცირე შეინიშნება. თუმცა ეს იმ მავანთა მოსაზრებას უფრო ჰგავს, რომელსაც, რომ ჰკითხოთ: ბოლოს რომელ სპექტაკლზე იყავით? პასუხიც კი არ ექნებათ. ბოლო დროს საქართველოში თეატრალური ფესტივალების და უცხოელი სტუმრების ვიზიტიც მოწმობს იმას, რომ ქართული თეატრი თანამედროვეობას ფეხს საგულდაგულოდ უწყობს. ამის სიმართლეში კი კიდევ უფრო თანამედროვე ქართული თეატრის კვლევის ცენტრის შედეგები დაგარწმუნებთ.