ჩვენს რეალობაში კულტურის სფეროში მოღვაწეობა არც ისე მარტივია, რადგან ხშირ შემთხვევაში გამორჩეული ნამუშევრები ყურადღების მიღმა რჩება. ამიტომაც იქიდან გამომდინარე, რომ კრეატიული აზროვნების დონე ახალგაზრდულ ასაკში განსაკუთრებით მაღალია, მნიშვენლოვანია მათი ნამუშევრები არ დარჩეს ყურადღების მიღმა. „პრემია იკა“ კი, რომელიც 18 ნოემბერს დაიბადა ახალგაზრდა არტისტებს მხარდაჭერას გამოუცხადებს და იზრუნებს მათ მოტივაციის ამაღლებაზე. პრემიამ სახელი ცნობილი მსახიობის, სანდრო კაკულიას გარდაცვლილი ძმის, იკა კაკულიას საპატივცემულოდ მიიღო. ის, რაზეც იკას ახლობლები და მეგობრები 2 წლის განმავლობაში სახლებში, პირად საუბრებში და ფიქრებში განიხილავდნენ, სწორედ 18 ნოემბერს რეალობად იქცა.