ნინუცა მაყაშვილი ახლახან „რუსთავი 2“-ის დილის გადაცემის წამყვანი გახდა, სადაც ამინდის რუბრიკის წამყვანობიდან გადაინაცვლა.
ნინუცამ ცხოვრებაში საკმაოდ რთული პერიოდი გამოიარა, როდესაც ფიზიკური და ფსიქოლოგიური ძალადობის შემდეგ მეუღლეს, მსახიობ ბესო ზანგურს დაშორდა. წლების შემდეგ მან მეორე ნახევართან დაძაბული ურთიერთობის შესახებ „ფარულ კონვერტში“ ისაუბრა და ამ აღიარებით მთელი საქართველო აალაპარაკა.
დღეს ნინუცას ცხოვრებაში სხვა ეტაპი დადგა – ახალ ურთიერთობებს არ ეძებს და მხოლოდ კარიერულ წინსვლაზეა ორიენტირებული.
ნინუცა მაყაშვილი:
შეიძლება ითქვას, რომ ეს არ არის ახალი გამოწვევა, უფრო ახალი ეტაპია, რომელიც რა თქმა უნდა, ძალიან საინტერესოა. მინდოდა და მიხარია, რომ ნელ-ნელა დგება ეს ეტაპი ჩემს ცხოვრებაში. როცა ამბობენ, რომ 30 წლის შემდეგ სხვა ცხოვრება იწყებაო, მგონი, ნამდვილად ასეა. მზად ვარ ამგვარი გამოწვევებისთვის და მინდა, გამომივიდეს ის, რაც ჩაფიქრებული მაქვს. სავარაუდოდ, გამომივა კიდეც. ჯერ ვერ გეტყვით, რა მაქვს ჩაფიქრებული. მინდა, ჩემი საქმე მქონდეს, თუმცა დეტალურად მხოლოდ მას შემდეგ ვისაუბრებ, როცა გამოვა.