ნინო გაჩეჩილაძე: „პირველი ქვეყანა, სადაც წავალ, ავსტრია იქნება, რომ ჩემი და დისშვილები მოვინახულო…“

0
1155

მსახიობმა ნინო გაჩეჩილაძემ წლებია, მაყურებელს ტელეეკრანიდან თუ თეატრალური სივრციდან თავი შეაყვარა. „ჩემი ცოლის დაქალების“ გადაღებები ამჟამად გაჩერებულია, თუმცა მსახიობები უკვე ელოდებიან მის გაგრძელებას ივნისის თვიდან და ერთი სული აქვთ, როდის დაუბრუნდებიან გადასაღებ მოედანს.

ნინო გაჩეჩილაძემ კარანტინი ისევე გაატარა, როგორც ბევრმა ჩვენგანმა. ის მარტო ცხოვრობს, მაგრამ ამ ეტაპზე მშობლებთან გადასვლა არჩია. როგორც თავად გვითხრა, მასაც და მის მშობლებსაც ამ რთულ დროს ერთად ყოფნა ერჩივნათ.

მსახიობთან ინტერვიუს დროს აღმოვაჩინეთ მისი გატაცებების შესახებ, რომლებიც აქამდე არ გვსმენია.

ბოლო დროის ერთ–ერთ აქტუალურ კითხვას დაგისვამ, შენც ფიქრობ, რომ ფსიქოლოგებს ბევრი სამუშაო ექნებათ?

ნინო გაჩეჩილაძე:

მეც ასე ვფიქრობ, რომ ფსიქოლოგებს ექნებათ ყველაზე მეტი სამუშაო და შესაბამისად, ყველაზე მეტი შემოსავალიც. ამ ჩაკეტილობამ ადამიანები ყველაზე მეტად ფსიქოლოგიურად დააზარალა, ფსიქიკურად თუ არა… ფსიქოლოგიური ზარალი რომ მიადგა ყველას, ეს ფაქტია. რაღაცების ისტერიულად კეთება დაიწყეს, მაგალითად, ცხობა. მერე დაიწყეს ვარჯიში მათ, ვისაც ადრე ეზარებოდა და თავს ვერ აბამდა. ვიღაცებმა კითხვა დაიწყეს, მიუბრუნდნენ. მე, მაგალითად, ბევრი ისეთი სერიალი ვნახე, რომელთა ნახვასაც აქამდე ვერ ვახერხებდი. ვნახე „ალესილი კეპები“, ძალიან ქარიზმატული, მაგარი და სერიოზული პერსონაჟია თომას შელბი, თუმცა მე ასეთი მამაკაცები არ მომწონს, უფრო მეტად მისი ძმით, არტურ შელბით მოვიხიბლე (იღიმის). კიდევ გირჩევდით „დილის შოუს“ ჯენიფერ ენისტონისა და რიზ უიზერსპუნის მონაწილეობით, ძალიან მომეწონა ასევე „შესანიშნავი მისის მეიზელი“. რასაკვირველია, მეც ველოდებოდი, ბევრის მსგავსად, „სამშობლოს“ ბოლო სეზონს. კერი მეტისონის მსგავსი პერსონაჟის განსახიერება ჩემი ოცნებაა, თუმცა როცა როცა ჩემს პროდიუსერს ვკითხე, ასეთ სერიალს ოდესმე თუ გადავიღებთ–მეთქი, მიპასუხა, რომ ძალიან ძვირი ჯდება და ჯერჯერობით ჩვენ ამისი სახსრები არ გვაქვს. თუკი ოდესმე ისე გავმდიდრდებით, რომ „სამშობლოსნაირი“ სერიალი გადავიღოთ, დიდი სიამოვნებით მივიღებდი მონაწილეობას, რადგან ძალიან საინტერესო პერსონაჟია და თან, არასდროს მიმუშვია ასეთ ჟანრში. კიდევ ვნახე „ქაღალდის სახლი“ ესპანური სერიალი, სიმართლე გითხრათ, პირველი ორი სეზონი მომეწონა, მესამე–მეოთხე კი ვფიქრობ, გაწელილია და ცოტა დამღალა. ერთხელ სანახავად ღირს, მაგრამ როგორც „სექსი დიდ ქალაქშია“, რომელსაც შეგიძლია, თავიდან ჩაუჯდე, ასეთი ნამდვილად არ არის. „პატარა კოცონები ყველგან“ – ეს სერიალიც ვიხილე და მომეწონა. ახლა ვუყურებ სერიალს ზოი კრავიცის მონაწილეობით, რომლის სახელწოდებაა High Fidelity. ვისაც აინტერესებს მარტოხელა გოგონების ცხოვრება, ვისაც უყვარს კარგი მუსიკა და ნიუ იორკი, შეუძლიათ, ჩაუსხდნენ.

(ვრცლად/ფოტოები)

LEAVE A REPLY

Please enter your comment!
Please enter your name here