მოდური ფოტოსესია, პროფესიონალი ფოტოგრაფების, სტილისტების და ვიზაჟისტების მონაწილეობით, ყოველთვის წარმატებული როდია. სწორედ ასეთი წარუმატებელი იყო რუსი მოდელის, ირინა შეიკის ფოტოსესია, მამაკაცების ჟურნალ “GQ” – სთვის.
გადაღებებიდან რამდენიმე კადრი, შეიკმა ინსტაგრამზე განათავსა, სადაც მისმა ფოტოებმა დიდი კრიტიკა დაიმსახურა. მოდელის ინსტაგრამის გამომწერები აღნიშნავდნენ, რომ ფოტოებზე მათი კუმირი, არა ნაზი და მოდუნებული, არამედ უხეში და მამაკაცური იყო.
განსაკუთრებული კრიტიკის ობიექტი გახდა ფოტო რომელზეც ირინა შეიკი ობიექტივში ზურგით ჩანს.
ამ ფოტოზე ფანებმა ნეგატიური კომენტარები არ დაიშურეს და გამუდმებით აკეთებდნენ აქცენტს შეიკის დაკუნთულ ზურგზე, უხეშ ფიგურაზე და აღნიშნული ფოტოს არაესთეტიურობაზე. თავად ვარსკვლავმა კი ამჯობინა კომენტარისგან თავი შეეკავებინა.