33.8 C
Tbilisi
Monday, August 1, 2022

„მხოლოდ ქართულის“ მესამე სეზონი გია ყანჩელის ტურით გაიხსნა

„მხოლოდ ქართულის“ მესამე სეზონს კაჭრეთის „ამბასადორი“ მასპინძლობს. კახეთში დმებარე ულამაზესი სასტუმროს დიდი დარბაზი პოპულარული სიმღერის კონკურსისთვის სრულად ტრანსფორმირდა, სცენა გადიდდა, სპეციალური საეთერო მოეწყო და პირველი ლაივკონცერტისთვის შოუმდე ნახევარი საათით ადრე ბოლო კონკურსანტმაც გაიარა საფინალო რეპეტიცია.

კონკურსანტებთან მარინა ბერიძემ პირადად იმუშავა და როგორც ჟიურის წევრებმა მოგვიანებით აღნიშნეს, მისი ხელი კონკურსში მონაწილე თითოეულ გამომსვლელს დაეტყო.

გია ყანჩელის მუსიკით დაწყება საკმაოდ სარისკო გადაწყვეტილება გახლდათ. დიდ სცენაზე პირველი ნაბიჯი ტოპათეულმა ყველაზე ფრთხილად შესასრულებელი კომპოზიციებით გადადგეს. მათ საუცხოო აკომპანემენტი გაუწიეს საქართველოს ეროვნული სიმფონიური ორკესტრის მუსიკოსებმა და მაესტრო ნიკოლოზ რაჭველმა, რომლის მიერ შექმნილი თითოეულმა ვერსიამ კიდევ ერთხელ დაიმსახურა აღფრთოვანება.

პროექტის მუსიკალურ პროდიუსერს, მარინა ბერიძეს ვკითხეთ, რატომ გადაწყვიტა პირველ ტურზე ყანჩელის შესრულება.

როგორც აღინიშნა, მარინა ბერიძის ხელი დაეტყოთ კონკურსანტებს.

მარინა ბერიძე:

გია ყანჩელის ტურით დაწყება ჩემი მხრიდან ძალიან დიდი რისკი იყო, მაგრამ მე რისკიანი ადამიანი ვარ. ბუმბერაზი კომპოზიტორით დაწყება ყოველთვის ჯობია და ნამდვილად გაამართლა. ზოგმა ინერვიულა, ზოგმა – ნაკლებად, მაგრამ ეს ჩვეულებრივი ამბავია.

რომელი კონკურსანტია თქვენთვის გამორჩეული?

ჯერ ვერ გეტყვით, ვნახოთ, ვინ გამობრწყინდება.

ქალის და კაცის პერსპექტივით შესრულებული „სიჩუმე“ (თამთა ხუხუნაიშვილი), პლასტიკით და ვოკალით ერთდროულად გადმოცემული „საით მიდიხარ“ (ანი ქურთუბაძე), უჩვეულოდ მშვიდად შესრულებული „ჰერიო ბიჭებო“ (ლუკა ჭოხონელიძე), საღამოს კულმინაციური მომენტი, პიედესტალზე შემდგარი შემსრულებელი „მეფე ლირით“, რომლისთვისაც ქართული ტექსტი ქეთი ორჯონიკიძემ შექმნა (ნინი შონია)…

(ვრცლად/ფოტოები/ვიდეო)

Latest Posts

ბოლო სიახლეები