14.8 C
Tbilisi
Tuesday, November 15, 2022

ლაშა ჯოხაძის აქცია-პერფორმანსი და პროტესტი თბილისის მოდის კვირეულზე

ლაშა ჯოხაძის კოლექციით თბილისის მოდის კვირეულის მეთვრამეტე სეზონი 19 ოქტომბერს, „ღვინის ქარნახა #1“-ში გაიხსნა. დიზაინერი საზოგადოებისთვის ცნობილი „ცეკვავენ ვარსკვლავებისთვის“ შექმნილი კოსტიუმებით გახსნა. პროექტზე დღემდე მუშაობს, თუმცა საკუთარი ატელიე ძალიან დიდი ხანია აქვს და კერძო შეკვეთებსა და კოლექციებზე მუშაობს.

თბილისის მოდის კვირეულს წელს ეკომიმართულება აქვს და მოგვიანებით, აპირებს, მხოლოდ ბუნებრივი ქსოვილებით შეკერილ კოლექციებს დაუთმოს პოდიუმი. ბუნებასთან დამოკიდებულება გამოხატა ლაშა ჯოხაძემაც ახალი კოლექციით, რომელიც შავ ფერში იყო გადაწყვეტილი და ძირითადად, საღამოს გამოსასვლელი კაბები წარმოადგინა. პოდიუმზე მცირე ეპრფორმანსიც შედგა. თავიდანვე გოგონები პოდიუმზე იყვნენ გაწოლილებ სხვადასხვა პოზაში, მუსიკის დაწყების შემდეგ კი ნელ-ნელა ერთმანეთს ეხმარებოდნენ წამოდგომაში და პოდიუმზე დადიოდნენ.

ლაშა ჯოხაძე:

ამ სეზონზე პერფორმანსის სახით წარვდექი. შევუერთდი მოდის კვირეულის აქციას ბუნების დაცვასთან დაკავშირებით. იცით, რომ მოსაწვევებიც არ დაიბეჭდა და მხოლოდ ელექტრონული ვერსიით მიეწოდა მაყურებელს. მქონდა რამდენიმე ძველი კოსტიუმიც. მხოლოდ შავი ფერი წარმოვადგინე და გამოვხატე ჩემი პროტესტი ჰაერის დაბინძურებასთან დაკავშირებით.

ფოტო: „თბილისის მოდის კვირეულის“ ოფიციალური გვერდი

Latest Posts

ბოლო სიახლეები