“ავტომობილი, რომელიც ლეგენდად იქცა და ყველა ეპოქის მოთხოვნებს გაუძლო” – ასე ახასიათებენ ავტომოყვარულები Ford Mustang-ს. მისი სერიული წარმოება ჯერ კიდევ გასული საუკუნის სამოციან წლებში დაიწყო. Ford-ის დიზაინერებმა რეტრო Mustang-ისგან მხოლოდ რამდენიმე დეტალი დატოვეს, თუმცა როგორც ამბობენ, ეს მოდელი, თავისი აგრესიული და მიმზიდველი გარეგნობით, არც ერთ ავტომოყვარულს ტოვებს გულგრილს.
Ford-ის განახლებულ ცენტრში წარმოდგენილი 5.0 ლიტრიანი ძრავით და 6 სიჩქარიანი ავტომატური გადაცემათა კოლოფით აღჭურვილი ყვითელი Mustang ყველა იმ ფუნქციით არის აღჭურვილი, რომლებიც თანამედროვე ავტომობილებისთვის უკვე განუყოფელია.
ორზონიანი კლიმატკონტროლი, კრუიზკონტროლი, უკანა ხედვის კამერა, 8 ინჩიანი LCD მონიტორი, უგასაღებოდ შეღწევის სისტემა, წვიმის სენსორი, სავარძლების კლიმატკონტროლი – ეს იმ ფუნქციების არასრული ჩამონათვალია, რომლებითაც უახლესი მოდელია აღჭურვილი. ამ ავტომობილის ფასი 56 000 დოლარია.
Ford Mustang-ის შესაძლებლობების უფრო ახლოს გასაცნობად, ”ავტოდილერი” ”Ford-ის” განახლებულ ცენტრში მოდელ ლალი ტოტიკაშვილთან ერთად მივიდა, რომელიც საკმაოდ გამოცდილ მძღოლია და შესაძლებლობის შემთხვევაში, ავტომობილის სწრაფად მართვაზეც არ ამბობს უარს.
– როგორია Ford Mustang-ის დანახვისას პირველი შთაბეჭდილება?