„ნეტფლიქსის“ ახალ ფილმში Extraction 2 ჰოლივუდის ვარსკვლავთან, კრის ჰემსვორტთან ერთად, უამრავი ქართველი მსახიობი მონაწილეობს. მათ შორის არიან თორნიკე გოგრიჭიანი, თინა დალაქიშვილი, დათო ბახტაძე და ირაკლი კვირიკაძე. ფილმში ერთ-ერთ მთავარ როლშია ქეთი დოლიძის ვაჟი, მსახიობი თორნიკე ბზიავა. სწორედ მის გმირს უპირისპირდება კრის ჰემსვორტის პერსონაჟი. მისი გმირი ტაილერ რეიკი, რომელიც პირველ სერიაში სასწაულებრივად გადარჩა, ახალ დავალებას იღებს და ქართველ განგსტერებთან ბრძოლას იწყებს.