კინოთეატრი „ამირანი“ „ოსკარის“ ნომინანტ წლის საუკეთესო ფილმებს დიდ ეკრანზე შემოგვთავაზებს.
კინოსამყაროს უმნიშვნელოვანეს პრემიერებს შორისაა „მწვანე წიგნი“ მაჰერშალა ალისა და ვიგო მორტენსენის მონაწილეობით, რომელთაგან ორივე მსახიობი ბრწყინვალე პერფორმანსებისთვის მთავარი კინოჯილდოს, „ოსკარის“ ნომინაციაში არიან; 10 „ოსკარის“ ნომინანტი წლის საუკეთესო ისტორიული დრამა „ფავორიტი“, სადაც სამი ქალი მსახიობი, ემა სთოუნი, რეიჩელ ვაისი და ოლივია კოულმანი შესანიშნავად დემონსტრირებენ სამსახიობო ოსტატობას, 31 იანვრიდან უკვე ელოდება მაყურებელს; ჩამონათვალს შორისაა „ოსკარის“ ნომინანტი ანიმე „მირაი მომავლიდან“, ვენეციის კინოფესტივალის პრიზიორი, ჯულიან შნაბელის „ვან გოგი – უსასრულობა“, სადაც მთავარ როლს „ოსკარის“ ნომინანტი უილიამ დეფო ასრულებს; „ვიცეპრეზიდენტი“ ქრისტიან ბეილისა და ემი ადამსის მონაწილეობით კიდევ ერთი ფილმია, რომელიც აუცილებლად უნდა ნახოთ „ოსკარის“ ცერემონიამდე…
ბილეთების შეძენა უკვე შესაძლებელია.