ალტერნატიული მუსიკა ჩვენი საზოგადოებისთვის, ჯერ კიდევ პრაქტიკულად უცნობ სივრცედ რჩება. ბევრი თანხმდება, რომ თანამედროვე მუსიკის მხრივ მოვიკოჭლებთ, თუმცა პოპ-შემსრულებლები ჩვენს ქვეყანაში უხვად მოიძებნება. ამ ყველაფრის ფონზე კი საქართველოში უკვე მეექვსე წელია, კავკასიის მასშტაბის მქონე მუსიკალური დაჯილდოება “ფენიქსი” ტარდება, რომელიც სათავეს 1995 წელს დაარსებული კავკასიის როკფესტივალებიდან იღებს.
დაჯილდოება ინტერნეტ პროექტს წარმოადგენს და მისი მიზანია მაქსიმალურად ეფექტურად გამოიყენოს ინტერნეტ რესურსები და შექმნას სივრცე, სადაც კავკასიის რეგიონში მოღვაწე მუსიკოსები გაერთიანდებიან. ამ ყველაფრის ორგანიზატორი კი მუსიკოსი ლადო ბურდული გახლავთ.