ჯორჯ ჯეი ბი საქართველოში პოპულარული ძალიან მცირე ასაკში გახდა, როდესაც ერთ-ერთ მოდის კვირეულზე საყოველთაო ყურადღების ცენტრში საკუთარი ორიგინალური ჩაცმულობის გამო მოექცა. მას შემდეგ მან მოიარა პრესის ფურცლები, ტელეგადაცემები. ახლა უკვე 21 წლისაა და საკუთარი ოცნების ასახდენად ნიუ-იორკში გაემგზავრა, სადაც მალე პრესტიჟულ სასწავლებელში დაიწყებს სწავლას…
ჯეი ბის ამერიკაში დავუკავშირდით. ის საკმაოდ გულწრფელი საუბრის ხასიათზე იყო და გაგვიმხილა, რომ საქართველოდან მისი წასვლა არა მხოლოდ სწავლის სურვილს, არამედ პირად ცხოვრებაში განცდილ გულდაწყვეტასაც უკავშირდებოდა…
ჯორჯ ჯეი ბი:
ჩემი და ჩემი ოჯახის გადაწყვეტილებით, სამხატვრო აკადემიაში ჩემი სწავლა- განათლება არ ჩავთვალეთ იმდენად სერიოზულად, როგორიც ეს რომელიმე “მოდის ქალაქში“ გახდებოდა შესაძლებელი. თავადაც ვფიქრობდი, რომ რა პროფილითაც მინდა მომავალში ვიმუშავო “მოდაზე“ და მოდის ხელოვნებაზე, სამხატვრო აკადემიაში ამას ვერ შემასწავლიდნენ. მით უმეტეს, რაც მე ვიცოდი, როგორც შევიტყვე, სამხატვროს მეოთხეკურსელებმა იციან… სწავლა ზედმეტი არასდროს არაა, მაგრამ სამხატვროში ჩემი 4-წლიანი ბაკალავრიატი დროის კარგად ჩავთვალე. მირჩევნია, ის 4 წელიწადი აქ გამოვიყენო ნაყოფიერად.