რუსეთში მოღვაწე ქართველმა მომღერალმა, ირაკლი ფირცხალავამ თბილისში კონცერტი გამართა. კარიერის განმავლობაში, მან ძალები რამდენიმე ჟანრში მოსინჯა, თუმცა ამჟამად მისი რეპერტუარი პოპ სტილშია შესრულებული. მან ივენთ ჰოლში შეკრებილი მსმენელისთვის როგორც ახალი, ასევე ძველი სიმღერები შეასრულა. კონცერტი საქველმოქმედო ხასიათის გახლდათ და ის მრავალშვილიანი ოჯახის დახმარებას ისახავდა მიზნად. მონატრებულ მსმენელს, ირაკლი ფირცხალავა ქართველმა მსახიობმა, ზუზუ ბეჟაშვილმა წარუდგინა.