29.8 C
Tbilisi
Thursday, August 4, 2022

ირაკლი ჩარკვიანის ახალი წიგნის, “ავტოპორტრეტის” პრეზენტაცია 24 თებერვალს გაიმართება

ირაკლი ჩარკვიანის თაყვანისმცემლებს სიურპრიზი ელოდებათ, 24 თებერვალს გამომცემლობა “ინტელექტი“ ვაკის მედიათეკაში ჩარკვიანის ახალი კრებულის – “ავტოპორტრეტის“ პრეზენტაციას მართავს, დასწრება თავისუფალია.

გამომცემლობის ინფორმაციით, “ავტოპორტრეტი“ ირაკლი ჩარკვიანის ლიტერატურულ შემოქმედებას აერთიანებს – სხვადასხვა დროს გამოცემულ ლექსებს და მოთხრობებს.

“ამ ლექსებიდან ბევრი თავის დროზევე იქცა ჰიტად და მათი პოპულარობა სულ უფრო მატულობს.
თითქოს აქამდე ყველასთვის ნაცნობი ირაკლი ჩარკვიანისგან ეს კრებული მოულოდნელი შეხვედრაა მკითხველთან, შეხვედრა სიტყვის (ლოგოსის) კოსმოსში, სადაც ყოველი ადამიანური შესაძლებლობა შეუცნობლის, უსასრულოს და ხანდახან შეუძლებლისკენაც მიემართება.

ამ წიგნში თანამედროვე ადამიანის სულის ბიოგრაფიაა მოთხრობილი, მისი ამქვეყნიური ცხოვრების ყველა სისუსტით და ამაღლებით, და რაც მთავარია, თავისუფლების ისეთი ხარისხით, როგორიც მხოლოდ ირაკლი ჩარკვიანის პირადი ნიშანია,“ – ნათქვამია გამომცემლობის განცხადებაში.

Latest Posts

ბოლო სიახლეები