13.8 C
Tbilisi
Sunday, November 13, 2022

ინსტრუქტორმა Victoria’s Secret-ის ”ანგელოზების” ფორმაში ყოფნის საიდუმლო გაამხილა

ჯასტინ გელბანდმა სახელი Victoria’s Secret-ის ”ანგელოზების” ინსტრუქტორობით გაითქვა. რამდენიმე დღის წინ, ფიტნეს-გურუს ინტერვიუ გამოქვეყნდა, სადაც მან ცნობილი ლამაზმანების ფორმაში ყოფნის საიდუმლო გაამხილა.

გელბანდის თქმით, ლამაზი სხეულის მისაღებად აუცილებელია ჯერ სწორი კვება და შემდეგ სწორი ვარჯიში. ჯასტინის თქმით, ის ცნობილი დეტქოს-დიეტების აქტიური მოწინააღმდეგეა, რადგან მსგავსი რეჟიმით კვება არასაკმარის ენერგიას იძლევა, რამაც საბოლოოდ შესაძლოა საპირისპირო ეფექტიც კი მოგვცეს. მაგალითად კი მან ”ანგელოზების” დაუდევრობა მოიყვანა, რომლებმაც მისგან მალულად დალიეს წვენი და უარი თქვეს საკვებზე. ”ამის გამო დიდი უსიამოვნებები შემხვდა. გახდომის ნაცვლად მათ მოიმატეს”-იხსენებს გელბანდი.

მისი თქმით, მოდელებისთვის პალეოლითიურ დიეტას არჩევს, რაც ნახშირწყლების დაბალი და ცხიმის მაღალი შემცველობით გამოირჩევა. ძირითადი პროდუქტებია: ცხიმიანი თევზი, ხორცი, ნიგოზი და ა.შ. ასევე აუცილებელია ბოსტნეულისა და ხილის მიღებაც. ბურღულეულზე, რძის პროდუქტებზე, შაქარსა და ალკოჰოლზე კი მათ მთლიანად უარი უნდა თქვან.

Latest Posts

ბოლო სიახლეები