ილო ბეროშვილი და ანი ბებია შვილს ელოდებიან. ილოსთვის ეს მეოთხე შვილი იქნება, ანისთვის – მეორე.
ილო ჟურნალ „გზის“ კითხვას პასუხობს, როგორია მეოთხე შვილის მოლოდინი:
„14 წლის წინ ვინმეს რომ ეთქვა, 4 შვილის მამა იქნებიო, ვერაფრით დავიჯერებდი. ახლა ეს რეალობაა. 40 წლის ვარ. ამ ასაკში შვილის გაჩენა სხვანაირი შეგრძნებაა. ბევრი რამ გაქვს უკვე ნანახი, დაღვინებული ხარ, ბევრ რამეს სხვაგვარად უყურებ და უფრთხილდები. სესი და ევა უკვე დიდები არიან. სესის რომ ვუთხარი, გაუკვირდა და რაღაცნაირად მითხრა, „მართლა“? ვერ მივხვდი, რა რეაქცია ჰქონდა. დღეს მკითხა, ნეტავ, გოგოა თუ ბიჭიო? უნდა, რომ ბიჭი იყოს. სქესი ჯერ თავადაც არ ვიცით“.