23.8 C
Tbilisi
Tuesday, August 2, 2022

ია ჩანტლაძე იტალიელი მეუღლის ნახვას ვერ ახერხებს – „საქართველოში დაბრუნება ვერ მოახერხა…“

მომღერალი ია ჩანტალაძე ბოლო პერიოდში მუსიკალური კარიერისთვის ნაკლებად იცლის და ბიზნესშია ჩართული. ის დეველოპერი გახლავთ. იას პირად ცხოვრებაშიც სიახლე აქვს. ორი წელია, რაც დაქორწინდა. მისი მეუღლე იტალიელი შეფმზარეული, ჯანკარლო მერკადანტეა.

ახლა წყვილის ცხოვრებაში არცთუ მარტივი პერიოდი დგას, ერთმანეთის ნახვას ვერ ახერხებენ. იას მეუღლე საქართველოდან გაემგზავრა და რომიდან უკან მარტში უნდა დაბრუნებულიყო, თუმცა ავიარეისი გაუქმდა და ახლა ოჯახის წევრებთან ერთად ისიც კარანტინშია, სხვა იტალიელების მსგავსად…

იამ ახლახან სოციალურ ქსელში გამოაქვეყნა მეუღლესთან ერთად გადაღებული ფოტო და დააწერა: „დისტანციას მნიშვნელობა არ აქვს“, თუმცა ერთი სული აქვს, როდის დასრულდება ეს პერიოდი და მეორე ნახევრის ნახვას შეძლებს.

ია ჩანტლაძე:

მე და ჯანკარლო ორი წლის წინ დავქორწინდით, საქართველოში. ხელი მოვაწერეთ იუსტიციის სახლში. გვქონდა ოჯახური ვახშამი და მეტი არაფერი.  ჩემი ქორწილი ვერ წარმომედგინა ტრადიციულად, სხვანაირად მინდოდა. სანამ ვიფიქრეთ, დრო გავიდა. მე ჩემებურად წარმომიდგენია ჩემი სასურველი და ყველაზე მნიშვნელოვანი დღეები.

მაინც როგორ?

ღია ცის ქვეშ, რა თქმა უნდა, უნდა იყოს ცოცხალი მუსიკაც და დიჯეიც, მენიუს არ აქვს დიდი მნიშვნელობა. ვფიქრობ, უნდა იყოს კანაპეები, მრავალფეროვანი სასმელი, მოძრაობა მომწონს და არა დამჯდარი ქორწილები. ჩემ ირგვლივ ვისურვებდი  ძირითადად ჩემი მეგობრებს, ვისთვისაც ეს იქნება გართობის დღე. ეს უნდა იყოს დღესასწაული, პირველ რიგში, წყვილისთვის. ქორწილის გადახდა აქაც გვინდოდა და იტალიაშიც. ახლა ჩავიფიქრეთ, რომ როცა შვილები გვეყოლება, ქორწილს მათთან ერთად გადავიხდით.

(ვრცლად/ფოტოები)

Latest Posts

ბოლო სიახლეები