23.8 C
Tbilisi
Wednesday, August 3, 2022

Hello!-ს დეკემბრის ნომრის მთავარი თემები

ჟურნალ „Hello!-ს“ დეკემბრის ნომერი უკვე გამოსულია. გადავხედოთ, რა თემებით დაინტერესდა ცნობილი ჟურნალი 2017 წლის მიწურულს.

ფიფას „წლის ფეხბურთელი“ ჟურნალ HELLO!-სთან ექსკლუზიურ ინტერვიუში პირადი ცხოვრების დეტალებზე საუბრობს. მადრიდის „რეალის“ ვარსკვლავი უკვე 4 შვილის მამაა. რა გეგმები აქვს 32 წლის ფეხბურთელს, რატომ გადაწყვიტა ცხოვრების მეგზურად ესპანელი მოდელის არჩევა და როგორია სტადიონიდან ოჯახურ ცხვრებაში გადანაცვლება? ამ შეკითხვებზე პასუხს HELLO!-ს მკითხველი დეკემბრის ნომერში შეიტყობს.

ქართველი ინფლიუენსერების საახალწლო სამზადისი. ნინო ელიავა, ნინი ზარქუა, ნინა და ლალო დოლიძეები. მოდის ბლოგერებისა და სხვადასხვა გავლენიანი გამოცემების რჩეული ქართველი ლამაზმანები HELLO!-ს საკუთარ წარმატებას უზიარებენ. დეკემბრის ნომრის მკითხველი ოთხი გამორჩეული ქალბატონის გულახდილ ინტერვიუს და გლამურული ფოტოსესიის შედეგს გაეცნობა.

25-წლიანი ემიგრაციის შემდეგ რეზო ჩხიკვიშვილი სამშობლოში ექვთიმე თაყაიშვილმა დააბრუნა. ბოლო დროს გახმაურებული მხატვრული ფილმის მთავარი როლის შემსრულებელი HELLO!-სთან ინტერვიუში გამოვლილ გზაზე, ქვეყნის გარეთ გატარებულ წლებსა და ცხოვრებაში ყველაზე მნიშვნელოვან როლზე საუბრობს.

თბილისის „დინამო“ 22-წლიანი პაუზის შემდეგ სპორტულ ასპარეზზე დაბრუნდა. დეკემბრის ნომერში HELLO! წყალბურთელების ახალ თაობას გაგაცნობთ. საქართველოს მომავალი ეროვნული ჩემპიონატისთვის სამზადისი, მთავარი მოქმედი გმირები და „დინამოს“ მეორედ დაბადება.

Latest Posts

ბოლო სიახლეები