აკადემიკოს ფრიდონ თოდუას სამედიცინო ცენტრი სოციალურ ქსელში ავრცელებს ვიდეოს, სადაც საკუთარ დიაგნოზზე, სათესლე ჯირკვლეწბის ავთვისებიან სიმსივნეზე საუბრობს ცნობილი მსახიობი, გიორგი მახარაძე.
მას ეს დიაგნოზი 2017 წელს დაუდგინდა. მას მერე ჩაუტარდა ოპერაცია და ქიმიოთერაპია. იტარებს რეგულარულ საკონტროლო კვლევებს. ის ამ დაავადებისგან თავისუფალია და საკუთარ გამოცდილებას უზიარებს მსმენელს.
“ჩვენ მაინც ადრე გვახსოვს, რომ თუ ამ დიაგნოზს გავიგებდით, მორჩა, მთავრდებოდა ყველაფერი. საერთოდ არ არის ეგრე! ცხოვრების ერთ-ერთ გამოცდილებად შეიძლება მიიღო, რის მერეც რაღაცები აუცილებლად სხვანაირად ლაგდება!”, აღნიშნავს მსახიობი.