ამბობენ, რომ საქართველოში მოდა აქტიურად ვითარდება და ჩვენს ქვეყანაში სულ უფრო მეტი დამწყები თუ უკვე შემდგარი დიზაინერი ჩნდება. თბილისის მოდის კვირეული კი ერთ-ერთია, რომელიც ხელს უწყობს მათ პოპულარიზაციას. სწორედ ახალი ტალანტების აღმოჩენით დაიწყო თბილისის მოდის კვირეულის მე-2 დღე, სადაც 10-მდე ახალბედა დიზაინერი მაყურებლის და ჟიურის წინაშე „დიზაინერთა კონკურსზე“ წარსდგა. ისინი სხვადასხვა ნომინაციაში გახდნენ გამარჯვებულები, რომლებსაც პრიზები ადგილობრივი და საერთაშორისო პარტნიორებისგან გადაეცათ.