31.8 C
Tbilisi
Wednesday, August 3, 2022

ეთუნა ინწკირველის რთული ეთერი კორონას შემდეგ: „სასწრაფო გამომიძახეს, ხელები დამიბუჟდა და სულ ვკანკალებდი…“

„ტვ პირველის“ საინფორმაციო გამოშვების მომხიბვლელმა წამყვანმა, ეთუნა ინწკირველმა კორონავირუსი ახლახან დაამარცხა და უკვე ტელეეკრანსაც და შესაბამისად, საყვარელ საქმესაც დაუბრუნდა, თუმცა სამსახურში გასვლის პირველი დღეები მისთვის იოლი არ ყოფილა… პირველივე დღეებში, ეთერშივე ცუდად გახდა… ტელევიზიაში დაბრუნება, საკმაო ხნიანი პაუზის შემდეგ, მისთვის მაინც დიდი შვება იყო… ახლა კოვიდინფექციისგან თავისუფალი ცდილობს, გარკვეული დრო ბუნებაში გაატაროს და ჯანმრთელობა მოიძლიეროს…

ეთუნა ინწკირველი:

აღმოვჩნდი უკლასტერო დადებითი. სწრაფი ტესტით რომ დამიდასტურდა, შოკი დამემართა. რამდენიმეწამიანი პაუზის შემდეგ, მქონდა განცდა, ახლა რა უნდა ვქნა-მეთქი. რაღაცნაირად „ჩამოვიშალე“. მიუხედავად იმისა, რომ ისეთ გარემოში ვცხოვრობთ, არავინაა დაზღვეული, იმდენად ბევრი პერიოდი გავიარე, მათ შორის პიკურიც, კორონავირუსთან მიმართებაში, თანაც, ასე ვთქვათ, რისკზონაში ვიმუშვე, რადგან ტელევიზია მაინც ცოცხალი ორგანიზმია და სულ მისვლა-მოსვლაა, გამოვძვერი წელიწადზე მეტის განმავლობაში. აცრის ეტაპი რომ დაიწყო, ვფიქრობდი, იქნებ, აცრამდე მივიდე-მეთქი. როცა ვირუსი დამიდასტურდა, ტელევიზიის ეზოში ვიჯექი და უსუსურობის შეგრძნება მქონდა. ტელევიზია დამეხმარა, სწრაფი ტესტის შემდეგ გამიშვეს პისიარზე და იქაც დამიდასტურდა. ბევრი რამ წამიკითხავს კორონავირუსის, შეგრძნებების, სიმპტომების შესახებ და ყველაფერი გამიახლდა, ფსიქოლოგიური მომენტი უფრო განგრევს…

13 დღე კოვიდსასტუმროში გავატარე, ვინაიდან არ მინდოდა, დედა, და დარტყმის ქვეშ დამეყენებინა. საბედნიეროდ, ჩემგან არც ერთ ადამიანს არ გადასდებია, მიუხედავად იმისა, რომ ყოველდღიური შეხება მაქვს ოჯახის წევრებთან, თუ თანამშრომლებთან.

ვრცლად…

Latest Posts

ბოლო სიახლეები