ანსამბლ „ერისიონის“ ერთ-ერთი სოლისტი, მომღერალი ზურაბ გოგობერიშვილი გარდაიცვალა. ამის შესახებ ანსამბლის ოფიციალური „ფეისბუქ“-გვერდი იუწყება. გთავაზობთ მათ განცხადებას:
„გარდაიცვალა „ერისიონის“ მსახიობ-მომღერალი ზურაბ გოგობერიშვილი.
ზურა 35 წლის იყო, მან ანსამბლში 10-წლიანი მოღვაწეობის პერიოდში ბევრ წარმატებულ კონცერტში მიიღო მონაწილეობა და ჩვენს დიდ ოჯახში უსაზღვრო სიყვარული და პატივისცემა დაიმსახურა.
„ერისიონი” უსამძიმრებს ოჯახს, ახლობლებსა და მეგობრებს და ღრმა მწუხარებას გამოთქვამს ზურას გარდაცვალების გამო“.