მუსიკოსი, მწერალი, პოეტი და სამოქალაქო აქტივისტი, ერეკლე დეისაძე, 3 მარტს, „სფეისჰოლში“ ახალი პროგრამით წარდგება, რომლის სახელწოდებაა „ჩაგრულო“. მისი მუსიკა პოპის, სინთპოპოს, ალტერნატიული და ელექტრომუსიკის სინთეზს წარმოადგენს. ახლახან ერეკლემ ახალი სიმღერა გამოუშვა და კლიპიც გადაიღო, რომელმაც დიდი ვნებათაღელვა გამოიწვია.
დეისაძის ახალ პროგრამაში გაერთიანებულია მისი ძველი და ახალი კომპოზიციები, რომლებსაც ბენდთან ერთად შეასრულებს. ბენდის შემადგენლობაში არიან: აღცილ სულაქველიძე, სანდრო სულაქველიძე. კონცერტამდე დაუკრავენ: TeTe Noise & AINE MERME, კონცერტის დასრულების შემდეგ – Berika.
