თამუნა ნიკოლაძე და ბაჩო ქაჯაია, წლების შემდეგ, გადასაღებ მოედანს ისევ ერთად დაუბრუნდნენ. ამჯერად ისინი ცოლ–ქმარს არ ითამაშებენ. თუ როგორ პერსონაჟებს განასახიერებენ, ეს საიდუმლოა, მაგრამ სერიალისთვის მზადება უკვე დაწყებულია. ჩვენთვის ცნობილია, რომ ეს იქნება სიტუაციური კომედია, სახელწოდებით „დიდი ოჯახი“, რომელიც მალე „მთავარი არხის“ ეთერში გავა. მსახიობები გადასაღებ მოედანზე ერთად დაბრუნების შეგრძნებას ჩვენთან ექსკლუზიურ ინტერვიუში აღწერენ და იმედოვნებენ, რომ ახალი პერსონაჟებითაც ისევე შეაყვარებენ მაყურებელს თავს, როგორც ეს „შუა ქალაქის“ შემთხვევაში მოხდა.
თამუნა ნიკოლაძე:
გადასაღებ მოედანზე ისევ ერთად აღმოჩენა ნამდვილად კარგი შეგრძნებაა, ძალიან კარგი. განსაკუთრებული ის არის, რომ ძალიან დიდი ფუფუნებაა ერთად მუშაობა, რადგან ერთმანეთი გამოვზარდეთ, ერთმანეთს კარგად ვიცნობთ და რაც მთავარია, გვიყვარს ერთმანეთი და საქმეც გამოვა, რა თქმა უნდა.