8.8 C
Tbilisi
Thursday, November 10, 2022

დუეტი „ლეონიი“ ახალდაბადებული ვაჟის მონაწილეობით ოჯახურ შოუს შემოგვთავაზებს

დუეტი „ლეონიი“ მომღერალ ლევან წვერავასა და მისი მეუღლისგან, ნინი კენჭიაშვილისგან შედგება. ნინი და ლევანი 11 წელია, წყვილია, თუმცა ბოლო პერიოდში გადაწყდა, რომ ისინი დუეტად შედგებოდნენ და შემოგვთავაზებდნენ ერთობლივ სიმღერებს, რომელთაც „იუთუბზე“ ათასობით ნახვა ექნებოდა.

წყვილს დიდი ხანი არ ჰყავდა შვილი და ახლახან ნანატრი ვაჟი, ნოე შეეძინათ.

ლევან წვერავა „სეიშენის“ წევრია, თუმცა პარალელურად, სხვა მუსიკალური პროექტების იდეები მუდმივად უტრიალებს. „ლეონიის“ შემდეგ, „იუთუბ არხზე“ ახალი გვერდი გამოჩნდა, სადაც ოჯახი ახალ შოუს შემოგვთავაზებს.

რა შეცვალა დიდი ხნის ნანატრმა შვილმა თქვენს ცხოვრებაში?

ლევანი:

პირდაპირ ვიტყვი, თავიდან ბოლომდე შეცვალა, თავიდან ბოლომდე აავსო ბედნიერებით ყველა წუთი და წამი. რადიკალური სხვაობაა. ყველა დღე განსხვავებულია.

ნინი:

ყველაფერი სხვანაირად დამანახვა. თითოეული გათენებული დღე მიხარია. ხანდახან ლევანს ვეუბნები ხოლმე, ამდენ ხანს მის გარეშე როგორ ვცოცხლობდით-მეთქი. სიტყვებით ამ შეგრძნებებს ვერ გადმოვცემ. ძალიან დიდი სიყვარულია.

ლევან, აღზრდის პროცესში როგორ ხარ ჩართული?

სხვანაირად წარმოუდგენელიცაა. ამდენი წელი შვილს ველოდებოდით და გაგების დღიდან ვგეგმავდი, როგორი იქნებოდა ჩემი ცხოვრება შვილთან ერთად. მისი დაბადების დღიდან  ერთად როგორ უნდა ვყოფილიყავით. ახლა პანდემიის პერიოდში უფრო მეტად მიწევს სახლში ყოფნა და მაქსიმალურად ვარ ჩართული, ალბათ, იმაზე მეტად, ვიდრე საჭიროა.

ვრცლად ინტერვიუ…

Latest Posts

ბოლო სიახლეები