მომღერალმა ცისანა სეფიაშვილმა, როგორც იქნა სახლი გაყიდა. ჯემალ სეფიაშვილის ქალიშვილი, არაყიშვილის ქუჩაზე მდებარე სახლს, დაახლოებით ერთი წლის მანძილზე ყიდდა, რის გამოც სოციალურ ქსელში ხშირად ხუმრობდნენ და მომხმარებლები ინტერესდებოდნენ გაყიდა თუ არა ცისანა სეფიაშვილმა სახლი.
ცნობილი კომპოზიტორის ქალიშვილმა სახლი 100 000 დოლარად გაყიდა და როგორც თვითონ სოციალურ ქსელში, ერთ-ერთი მეგობრის ხუმრობის საპასუხოდ დაწერა, მისი ბინის ახალი მეპატრონე ძალიან კარგი გოგოა, რომელთანაც სტუმრად ხშირად ივლის.
