ბრიტანელი შემსრულებელი Chris Rea ბენდთან ერთად საქართველოს ეწვევა. ინგლისელი მომღერალი და კომპოზიტორი, ასევე გიტარისტი დიდ ბრიტანეთში 80-იან წლებში ერთ-ერთ ყველაზე პოპულარულ შემსრულებლად მიიჩნეოდა. ის უკვე ვარსკვლავი იყო, როდესაც დიდი ბრიტანეთის ცხელ მუსიკალურ ათეულში თავისი ჰიტით „Road To Hell“ მოხვდა. 2009 წლისთვის მას მსოფლიოში 30 მილიონზე მეტი ალბომი ჰქონდა გაყიდული. შემსრულებელი სამჯერ იყო ნომინირებული Brit Awards-ზე, 1988, 1989 და 1990 წლებში.
