ქართველი დიზაინერის, ნიკოლას ქანთარიას მორიგი კოლექცია-პერფომანსი საქართველოში ბოლო დროს განვითარებულ მოვლენებს ეძღვნება. კოლექციის მთავარი სათქმელია ის, რომ რუსეთი ოკუპანტია.
ნიკოლას ქანთარია:
მიუხედავად იმისა, რომ აბსოლუტურად აპოლიტიკური ვარ, მე მიყვარს ჩემი ქვეყანა და მზად ვარ, არ ამხოლოდ კოლექციით დავამტკიცო ეს, არამედ ვიდგე იქ, იმ გულანთებულ ადამიანებთან. დავუფასოთ იმ ადამიანებს, ვინც თავი გაწირა ჩვენ გამო და ბოლო შედეგამდე ერთად დავდგეთ!
ეს კოლექცია არაფერია, თუ არა ის სათქმელი, რომელიც მინდა მივაწვდინო რაც შეიძლება ბევრ ქვეყანას, კიდევ და კიდევ და დაუსრულებლად, სანამ შედეგს არ მოუტანს ჩვენს საქართველოს!
