უკვე წლებია ჯაზი მისი ცხოვრების განუყოფელი ნაწილია. ის მხოლოდ ორწლინახევრის იყო, როდესაც აბსოლიტური სმენა აღმოუჩინეს. მუსიკის სიყვარულმა და ნიჭმა განაპირობა, რომ ახალგაზრდა ვირტუოზი, ბექა გოჩიაშვილი ჯულიარდის ხელოვნების სკოლის, ჯაზის ფაკულტეტზეც მოხვედრილიყო. ცამეტი წლის ნიუ-იორკს ესტუმრა და იგრძნო, რომ ეს ქალაქი მსოფლიო ჯაზის დედაქალაქია. მის ცხოვრებაში ყველაფერი სპონტანურად ხდება და ამ რიტმით, კონსერვატორიის დიდ დარბაზში, საქართველოში მისი პირველი სოლო კონცერტი გაიმართა.