9.8 C
Tbilisi
Tuesday, November 15, 2022

ანრი ჯოხაძის კლიპი ყველა ქართველის სათქმელით – „მთავარი არ არის, ვინ ვისთან დაწვება და ვინ ძუძუს გამოაჩენს…“

ანრი ჯოხაძის ახალი კლიპი, რომელიც მან ნიკო გომელაურის ლექსზე შექმნილ სიმღერაზე გადაიღო, კინო „ამირანში“ შეკრებილმა საზოგადოებამ 20 სექტემბერს იხილა. ვიდეორგოლი სამჯერ აჩვენეს, რადგან ხანგრძლივი აპლოდისმენტების ფონზე პუბლიკა მის გამეორებას ითხოვდა. ალბათ, მეოთხედაც გაიმეორებდნენ, თუმცა ანრიმ აღარ ისურვა და ყველას გარეთ მოუხმო.

„ჩემს ქალაქში ყველაფერი მოსულა“, ეს ფრაზა ნიკო გომელაურის ცნობილი ლექსიდან, ალბათ, ყველა ჩვენგანს ახსოვს. მსახიობი და პოეტი აღარ არის, მაგრამ მისი შემოქმედება კვლავ აქტუალურია. მის მეუღლესთან, ქალბატონ ნინა ჩოდრიშვილთან შეთანხმებით, ანრი ჯოხაძემ ცნობილ ლექსზე მელოდია შექმნა და ბოლო ოთხი წელია, ცდილობს დააასრულოს ვიდეორგოლი, რომელშიც 40-მდე ცნობილი სახე გადაიღო, მათ შორის ნუკი კოშკელიშვილი, ქრისტინე იმედაძე, ზუზუ ბეჟაშვილი, რომლისთვისაც ეს ერთ-ერთი ბოლო გადაღება აღმოჩნდა, კესარია აბრამიძე კრისტი ყიფშიძე, ნინი ბადურაშვილი და თაკო გაჩეჩილაძე, რომელთაც სიმღერაში საკუთარი პარტიები აქვთ, ნინო გაჩეჩილაძე და სხვები. ვიდეოროგლის ოპერატორი ცნობილი ფოტოგრაფი, ირაკლი გედენიძე გახლავთ, რომელმაც შვილთან, ვასკასთან ერთად, დიდი სამუშაო გასწია და საინტერესო კადრები გადაიღო, მათ შორის, როგორც თავად გვითხრა, დრონით გადაღებული კადრებიც შედის… „ანრიმ ყოველთვის ზუსტად იცის, რა უნდა. შრომატევადი იყო, მაგრამ რადგან რეჟისორმა ზუსტად იცოდა, როგორი კადრი სჭირდებოდა, ყველაფერი წინასწარ ვიცოდით. რამდენიმე ლოკაციაზე ცოტა უფრო მეტად ვიმუშავეთ, იდეისა და მესიჯების ცოდნის გამო ნამდვილად არ გაგვჭირვებია, ანრი დიდი პროფესიონალია“, გაგვიმხილა ცნობილმა ფოტოგრაფმა.

ვიდეორგოლის ჩვენების დასრულების შემდეგ, რასაკვირველია, დავინტერესდით, როგორ მოეწონა ის ნინა ჩოდრიშვილს და ასევე აზრი ვკითხეთ შოუბიზნესის წარმომადგენლებსაც.

ნინა ჩოდრიშვილი, ნიკო გომელაურის მეუღლე:

გარდა იმისა, რომ ძალიან მიხარია, ნიკომ მიიღო მონაწილეობა ამ პროექტში, მომწონს კონცეფცია, სათქმელი და თქმის სურვილი. რაც მთავარია, კარგად გამოვიდა. გულწრფელად ძალიან მომეწონა… ძალიან მწყინს, რომ ყველაფერი ეს ნიკოს გარეშე ხდება…

ნუკი კოშკელიშვილი:

თქვენ წარმოიდგინეთ, აღარ მახსოვდა, რომ ამ კლიპში ვიყავი გადაღებული (იციის). სულ ვახსენებდი ანრის, როდის იქნება კლიპი-მეთქი. ანრი არის გენიოსი და დიდი პროფესიონალი, რომელთან მუშაობითაც დიდი სიამოვნება მივიღე. სულ მპასუხობდა, რომ ეს სიმღერა მისთვის ძალიან მნიშვნელოვანი იყო და მასზე გადაღებულ კლიპს ასე ადვილად ვერ გამოუშვებდა. ვფიქრობ, ეს სწორი მიდგომა იყო.

მიხარია, რომ ჩემი მეუღლეც დაესწრო ვიდეორგოლის ჩვენებას და შემეძლო მისთვის ამეხსნა, სად რა ჰქონდა ნაგულისხმევი ანრის. ძალიან მაგარი ბიჭია. წარმატებები, ანრი, კიდევ გადაგვიღე, ხასიათზე რომ იქნები. როცა ანრი ხასიათზეა, მაგარ რაღაცებს აკეთებს.

რატი დურგლიშვილი:

ძალიან მომეწონა და ვულოცავ ანრის კიდევ ერთ გამარჯვებასა და წარმატებას. ვისურვებდი, კიდევ გაგვანებივროს ასეთი ლამაზი კლიპებით. ჩემი მეგობრები მონაწილეობენ და ძალიან გამიხარდა მათი ეკრანზე ნახვა. ძალიან შინაარსიანი ვიდეოა და ყველაფერი დავინახე. ანრის ყოველთვის აქვს ხოლმე სათქმელი, საოცრებაა…

საღამოს ბოლოს მთავარმა გმირმა ჩვენთან საუბრისთვის მოიცალა. ანრის ღელვა ინტერვიუს დროსაც ეტყობოდა და მანამდეც, როცა სცენაზე კლიპის წარსადგენად  და მადლობის გადასახდელად ავიდა… როგორც აღნიშნა, ამ პროექტზე დიდხანს იმიტომ მუშაობდა, რომ სურდა, ის საუკეთესო გამოსულიყო.

(ვრცლად/ფოტოები)

Latest Posts

ბოლო სიახლეები