11.8 C
Tbilisi
Tuesday, November 15, 2022

ანა ტყებუჩავა: „კარანტინში იმდენი რამის მოსწრება მინდა, მგონი, პანდემია ამდენ ხანს არ გაგრძელდება…“

მსახიობი ანა ტყებუჩავა კარანტინის დღეებს ქმარსა და ორ შვილთან ერთად ატარებს და როგორც მისი მონათხრობიდან ვიგებთ, მოწყენას ნამდვილად ვერ ასწრებს. ბავშვების მოვლა–პატრონობასთან ერთად, „ჩემი ცოლის დაქალების“ მსახიობი საღამოს, გვიან, ან დილას ადრე იმასაც ახერხებს, რომ უამრავ ლიტერატურულ ნაწარმოებს გაეცნოს და ნახოს სერიალები, რომლებიც ასე ძალიან უყვარს.

ანა ტყებუჩავა:

მგონია, სახლში ყველა დაახლოებით ერთსა და იმავე რამეს აკეთებს, უბრალოდ, ის განსხვავებაა, რომ ვიღაცები მშობლები ვართ, ვიღაცები – შვილები. მშობლებს უფრო გაგვიმართლა, რადგან სხვაზე ზრუნვა გადარჩენის ერთ–ერთი საუკეთესო გზაა. რაც უნდა ცუდად იყო, როცა სხვისთვის ხარ საჭირო, მასზე ხარ გადართული. თან, ოჯახი, შვილები, შენი არჩევანია და იძულებული ხომ არ ხარ. შეიძლება, 24 საათი ბედნიერი არ იყო, რომ ხან ცხენს განასახიერებ და ხან სხვა ცხოველს (იცინის), მაგრამ საბოლოო ჯამში შვილებთან ურთიერთობა ძალიან დიდი ენერგიას გაძლევს. გადაღებაზე რამდენიმე დღით გავედი  და ისე მომენატრა ჩემი ოჯახი, მეგონა, საუკუნე არ მინახავს. სანამ სახლში მოვიდოდი, მირეკავდნენ, დედა, როგორ ხარო. ძალიან მიეჩვივნენ, რომ შინ ვართ. 6 და 3 წლის შვილები მყავს. ბებიები ძალიან უყვართ. ჩვენთან ახლოს ცხოვრობენ, მაგრამ მხოლოდ პირბადეებით ვნახეთ ეზოში რამდენიმეჯერ. მაქსიმალურად ვიკავებთ თავს ოჯახის წევრებთან კონტაქტისგან, რადგან ჩემი ძმა მაგალითად შვილს ელოდება, ჩემს მშობლებს საშუალო ასაკისთვის დამახასიათებელი ჯანმრთელობის პრობლემები აქვს და მათ უფრო ვუფრთხილდებით, ვიდრე საკუთარ თავს.

(ვრცლად/ფოტოები)

Latest Posts

ბოლო სიახლეები