როდესაც ქვეყნის მთავარსარდლის ოჯახის წევრი ხარ და მითუმეტეს მისი შვილი, შესაბამისად საზოგადოების ყურადღებაც შენს მიმართ ყოველთვის დიდია. საქართველოს პრეზიდენტის, გიორგი მარგველაშვილის ქალიშვილი, ანა მარგველაშვილი მამას პოპულარობით არ ჩამოუვარდება. ანა საზღვარგარეთ იზრდებოდა და საქართველოში სულ რამდენიმე წლის წინ დაბრუნდა. იმ ფაქტს, რომ ანა პრეზიდენტის შვილია, მისი ცხოვრების წესზე დიდი გავლენა არ მოუხდენია. ის აქტიურად ჩნდება საზოგადოებრივ თავშეყრის ადგილებში. ანა მუსიკოს გიგი ჩიჩუაზე გახლავთ დაქორწინებული, რომლებიც გასულ წელს მშობლებიც გახდნენ. ახლა კი ვალენტინობასთან დაკავშირებით თავიანთ სიყვარულის ისტორიას Music Box-ის კამერასთან ჰყვებიან.