გაგიჭირდებათ ქვეყნის დასახელება, სადაც მასშტაბურ მუსიკალურ დაჯილდოებებს არ ატარებენ წითელი ხალიჩით, მოწვეული სტუმრებით, ბევრი სიურპრიზითა და გემოვნებიანი მუსიკით. მართალია, ჩვენს ქვეყანაში ჯერ კიდევ არსებობს მოსაზრება, რომ შოუბიზნესი ვერ ყვავის, თუმცა ამის უარსაყოფად რადიო ჰოლდინ “ფორტუნას” მიერ დაფუძნებული წლის მუსიკალური დაჯილდოება, “ოქროს ტალღა” მშვენიერი მაგალითია. ჰოლდინგის დამსახურებით ჩვენი ქვეყანა მათ რიგებს შეუერთდა, სადაც გრანდიოზული, ბომონდური და ვარსკვლავური ცერემონიალი იმართება.